Qarxûn

Were saqî ji nû dîsa bi dilşad
Tu şadiyê di meclisê b’ke îcad

Bira ehilê dîwanê bibne şadan
Bireqsin ew bi şubhê hûr û xelman

Ji şadiyê fereh tev bibne serxoş
Heta ‘umrê ‘ezîzê wan neçû boş

We hem ehlê di dîwan bêne ‘eşqê
Qelem hildin li dest xwe bona meşqê

Biken meşqê di vê dunya fena ye
Bi ‘eşqa heq bibin ew mubtela ye

Bela têne li ser însana pur pur
Bila di ‘aşqanê me‘şûqê weke dur

Eger ‘aşiq bi me‘şûqê ku mewsûl
Nebe îlla dimîne ew jî meqtûl