MEWLIDÊ MELA EHMEDÊ XASÎ _{“MEWLIDU’N – NEBIYYI’L – QUREYŞIYYΔ}

Kurdkî de mewlido ke tewr verî nusîyayo mewlidê Mela Huseynê Bateyî yo. No mewlid seserra 18. de nusîyayo û mîyanê şarî de bi nameyê "Mewlûda Kurmancî" meşhûr bîyo. Mewlidna- meyê Melayê Bateyî, tarîxê edebîyatê kurdî de esero yewin o ke no war de nusîyayo yo. Nuştişê nê mewlidî ra ver, mîyanê kurdan de mewlidê erebkî wanîyayêne. La mewlidê Melayê Bateyî ra pey hinî mewlidê kurmanckîyî cayê mewlidê erebkî girewto. Zaf şaîrê kurdî, hetê mewlidî ra, ke edebîyato klasîk de bêjêk o, bin tesîrê Melayê Bateyî û mewlidê ey de mendê. Coka Melayê Bateyî ra pey Kurdistan de zaf kesan bi tesîrê Melayê Bateyî mewlidê kurmanckî û zazakî nuştê.

Bi kurdkîya zazakî zî mewlido verên mewlidê Mela Ehmedê Xasî, "Mewlidu'n-Nebiyyî-l Qureyşiyyî" yo. No mewlid, 1899 de Dîyarbekir de çapxaneyê Lîtografya de çap bîyo û weşanîyayo